第四回 看面情代庖当买办 丢眼色吃醋是包荒（第2页）
莲生应诺，踅下楼来；来安跟了，出祥春里，向东至西荟芳里弄口，令来安回公馆去
打轿子来，自己即转弯进弄。娘姨阿珠先已望见，喊道：「阿唷，王老爷来哉！」赶忙迎
出天井里，一把拉住袖子；进去又喊道：「先生，王老爷来哉。」拉到楼梯边，方放了手
。
莲生款步上楼。沈小红也出房相迎，似笑不笑的说道：「王老爷，耐倒好意思……」
说得半句，哽噎住了。莲生见他一副凄凉面孔，著实有些不过意，嘻著嘴进房坐下。沈小
红也跟进来，挨在身傍，挽著莲生的手，问道：「我要问耐，耐三日天来？陆里？」莲生
道：「我来里城里，为仔个朋友做生日，去吃仔三日天酒。」小红冷笑道：「耐祇好去骗
骗小干仵！」阿珠绞上手巾，揩了。小红又问道：「耐来？城里末，夜头阿转来嗄？」莲
生道：「夜头末就住来？朋友搭哉？。」小红道：「耐个朋友倒开仔堂子哉！」
莲生不禁笑了。小红也笑道：「阿珠，耐？听听俚闲话！我前日仔教阿金大到耐公馆
里来看耐，说轿子末来？，人是出去哉。耐两祇脚倒燥来？？，一直走到仔城里。阿是坐
仔马车打城头浪跳进去个嗄？」阿珠呵呵笑道：「王老爷难也有点勿老实哉！陆里去想得
来好主意，说来？城里。」小红道：「瞒倒瞒得紧？，连朋友？寻仔好几埭也寻勿著。」
阿珠道：「王老爷，耐也老相好哉，耐就说仔要去做啥人也无啥？，阿怕倪先生勿许耐嗄
？」小红道：「耐去做啥人也勿关倪事。耐定规要瞒仔倪了去做，倒好像是倪吃醋，勿许
耐去，阿要气煞人！」
莲生见他们一递一句，插不下嘴去，祇看著讪笑。及至阿珠事毕下楼，莲生方向小红
说道：「耐覅去听啥别人个闲话。我搭耐也三四年哉。我个脾气，耐阿有啥勿晓得？我就
是要去做啥人末，搭耐说明白仔再做末哉？，瞒耐做啥？」小红道：「我也勿晓得耐？。
耐自家去想想看：耐一直下来，东去叫个局，西去叫个局，我阿曾说歇啥一句闲话嗄？耐
第歇倒要瞒我哉，故末为啥呢？」莲生道：「我是无价事，勿是要瞒耐。」小红道：「我
到猜著耐个意思来里：耐也勿是要瞒我，耐是有心来？要跳槽哉，阿是？我倒要看耐跳跳
看！」
莲生一听，沉下脸，别转头，冷笑道：「我不过三日天勿曾来，耐就说是跳槽。从前
我搭耐说个闲话，阿是耐忘记脱哉？」小红道：「正要耐说？。耐勿忘记末，耐说？，三
日天来？陆里？做个啥人？耐说出来，我勿搭耐吵末哉。」莲生道：「耐教我说啥？？我
说来里城里，耐勿信。」小红道：「耐倒还要拨当水我上，我打听仔了再问耐。」莲生道
：「故末蛮好。第歇耐来？气头浪，搭耐也无处去说；隔两日等耐快活仔点，我再搭耐说
个明白末哉。」
小红鼻子里哼了一声，半日不言语。莲生央告道：「倪去吃筒烟去？。」小红仍拉著
手，同至榻床前。莲生脱去马褂，躺下吸烟。小红却呆呆的坐在下手。莲生要想些闲话来
说，又没甚说的。
忽听得楼梯上一阵脚声，跑进房来，却是大姐阿金大。一见莲生，说道：「王老爷，
我末到耐公馆里请耐，耐倒先来里哉。」又道：「王老爷为啥几日勿来，阿是动气哉？」
莲生不答。小红嗔道：「动啥气嗄！打两记耳光哉？，动气！」阿金大道：「王老爷，耐
勿来仔末，倪先生气得来，害倪一埭一埭来请耐。难覅实概，阿晓得！」说著，移过一碗
茶来，放在烟盘里，随把马褂去挂在衣架上，要去。
莲生见小红呆呆的，乃说道：「倪去弄点点心来吃，阿好？」小红道：「耐要吃啥，
说末哉。」莲生道：「耐也吃点，倪一淘吃；耐覅吃末，也覅去弄哉。」小红道：「价末
耐说？。」莲生想小红喜吃的是虾仁炒面，即说了。小红叫住阿金大，叫他喊下去，到聚
丰园去叫。须臾送来，莲生要小红同吃。小红攒眉道：「勿晓得为啥，厌酸得来，吃勿落
。」莲生道：「价末多少吃点。」小红没法，用小碟检几根来吃了，放下。莲生也吃不多
几筷，即叫收下去。
阿珠绞手巾来，回说：「耐管家打轿子来里。」莲生问：「阿有啥事体？」阿珠望楼
窗口叫：「来二爷。」来安听唤，立即上楼见莲生，呈上一封请帖。莲生开看，是葛仲英
当晚请至吴雪香家吃酒的，随手撩下。来安仍退下去了。
莲生仍去榻床吸烟，忽又想起一件事来，叫阿珠要马褂来著。阿珠便去衣架上取下，
小红喝住道：「倒要紧？？，耐想陆里去？」阿珠忙丢个眼色与小红，道：「让俚吃酒去
罢。」小红才不说了。适被莲生抬头看见，心想阿珠做甚么鬼戏，难道张蕙贞的事被他们
打听明白了不成？
莲生一面想，一面阿珠把马褂替莲生披上，口里道：「难末就来叫，覅去叫啥别人哉
。」小红道：「搭俚说啥嗄！俚要叫啥人，等俚去叫末哉？。」莲生著好马褂，挽著著小
红的手，笑道：「耐送送我？。」小红使劲的一撒手，反在靠壁高椅上坐下了。莲生也挨
在身傍，轻轻说了好些知己话。小红低著头剔理指甲，祇是不理；好一会，方说道：「耐
个心勿晓得那价生来？，变得来！」莲生道：「为啥说我变心？」小红道：「问耐自家？
。」莲生还紧著要问，小红叉起两手把莲生推开，道：「去罢，去罢！看仔耐倒惹气。」
莲生乃佯笑而去。
第四回终。