第九回 沈小红拳翻张蕙贞 黄翠凤舌战罗子富（第2页）

脱换衣裳，见了道：「王老爷半日勿用烟哉？，阿瘾嗄？」随叫小阿宝：「耐绞仔手巾，

搭王老爷来装简烟。」莲生道：「我自家装末哉。」翠凤道：「倪有发好个来里，阿好？

」随叫小阿宝去喊金凤来拿。金凤也脱换了衣裳，过来见莲生，先笑道：「阿唷！王老爷

，要吓煞？！我吓得来拖牢仔阿姐，说：『倪转去罢！晚歇打起倪来末，那价？？』王老

爷阿吓嗄？」莲生倒不禁一笑。罗子富、黄翠凤也都笑了。

金凤向烟盘里拣取一个海棠花式牛角盒子，揭开盖，盒内满满盛著烟泡，奉与王莲生

。莲生即烧烟泡来吸。吸了几口，听得楼下有赵家？声音。王莲生又坐起来听。黄翠凤见

莲生著急，忙喊：「赵家？来？。」赵家？见了莲生，回说：「送得去哉，一直送到仔楼

浪？。俚？说：『有王老爷搭倪做主末，最好哉。教王老爷转来仔就来。』俚？还谢谢我

，教我来谢谢先生，倒要好煞？。」莲生听了，才放下了一半心。

接著王莲生的管家来安来寻。莲生唤至当面，问有甚事。来安道：「沈小红？娘姨坎

坎来说，沈小红要到公馆里来。」莲生听了，心中又大不自在。黄翠凤向莲生道：「我看

沈小红比勿得张蕙贞。耐张蕙贞搭无啥要紧，就明朝去也正好。倒是沈小红搭耐就要去一

埭？，倒还要去吃两声闲话哉？。」莲生著实沉吟，蹙额无语。翠凤笑道：「王老爷，耐

覅见仔沈小红怕哟有闲话末响响落落搭俚说，耐怕仔俚倒勿好说啥哉。」

莲生俄延了半日，叫来安打轿子来再说。却将那首饰包交代来安收藏。来安接了回去

。罗子富道：「沈小红倒看勿出，凶煞？。」翠凤道：「沈小红末，算啥凶嗄！我做仔沈

小红，也勿去打俚？，自家末打得吃力煞，打坏个头面，原要王老爷去搭俚赔。倒害仔王

老爷，阿有啥趣势？」子富道：「耐做沈小红末那价呢？」翠凤笑道：「我啊，我倒勿高

兴搭耐说来？。要末耐到蒋月琴搭去一埭试试看，阿好？」子富笑道：「就去仔末，怕耐

啥嗄！耐勿人调末，我去教蒋月琴来也打耐一顿。」翠凤把眼一瞟，笑道：「噢唷，倒说

得体面？！耐算说拨来啥人听嗄，阿是来里王老爷面浪摆架子？」王莲生一口烟吸在嘴里

，听翠凤说，几乎笑的呛出来。子富不好意思，搭讪说道：「耐？人一点点无拨啥道理！

耐自家也去想想看，耐做个倌人末，几花客人做仔去，倒勿许客人再去做一个倌人，故末

啥道理？？也亏耐？有面孔说得出！」翠凤笑道：「为啥说勿出嗄？倪是做生意，叫无法

？。耐搭我一年三节生意包仔下来，我就做耐一干仔，蛮好。」子富道：「耐要想敲我一

干仔哉！」翠凤道：「做仔耐一干仔，勿敲耐敲啥人嗄？耐倒说得有道理。」子富被翠凤

顶住嘴，没得说了。停了一会，翠凤道：「耐有道理末，耐说？。啥勿响哉嗄？」子富笑

道：「阿有啥说嗄，拨耐钝光哉？。」翠凤也笑道：「耐自家说得勿好，倒说我钝光。」

谈笑之间，早又上灯以后。小阿宝送上票头一张，呈与罗子富。子富看毕，授与王莲

生。莲生慌的接来看，是洪善卿催请子富的，便不在意。再看下面，另行添写有「莲翁若

在，同请光临」八个字。莲生攒眉道：「我勿去哉？。」子富道：「善卿难得吃台把酒，

耐原去应酬歇，就勿叫局也无啥。」黄翠凤道：「王老爷，耐酒倒要去吃？，耐勿去吃酒

，倒拨沈小红？好笑。我说耐祇当无拨啥事体，酒末祇管去吃，吃仔酒末就台面浪约好两

个朋友，散下来一淘到小红搭去，阿是蛮好？」莲生一想勿差，就依著翠凤说，忙又吸了

两口烟。

来安领轿子来了，也呈上一张洪善卿请客票头。子富道：「一淘去哉？。」莲生点头

说好。子富令喊高升。高升回说：「轿子等仔歇哉。」于是，王莲生、罗子富各自坐轿，

并赴公阳里周双珠家。

到了楼上，洪善卿迎著，见两位一淘来了，便叫娘姨阿金喊「起手巾」，随请两位进

房。房里先到的有葛仲英、陈小云、汤啸庵三位；还有两位面生的，乃是张小村、赵朴斋

。大家问姓通名，拱手让坐。外场已绞了手巾上来。汤啸庵忙问王莲生：「叫啥人？」莲

生道：「我勿叫哉。」周双珠插嘴道：「耐本阿有啥勿叫局个嗄？」洪善卿道：「就叫仔

个清倌人罢。」汤啸庵道：「我来荐一个，包耐出色。」遂把手一指，「耐看？。」王莲

生回头看时，周双珠肩下坐著一个清倌人，羞怯怯的低下头去，再也不抬起来。罗子富先

过去弯著腰一看，道：「我祇道是双宝，倒勿是。」周双珠道：「俚叫双玉。」王莲生道

：「本堂局蛮好，写末哉。」

洪善卿等汤啸庵写毕局票，即请入席。大姐巧囡立在周双玉身傍，说道：「过去换衣

裳哉？。」双玉乃回身出房。

第九回终。