第十五回 屠明珠出局公和里 李实夫开灯花雨楼
按：黎篆鸿毕竟在那里吃酒？原来便是罗子富的老相好蒋月琴家。李鹤汀先已知道，
带著匡二径往东公和里来。匡二抢上前去通报。大姐阿虎接著，打起帘子请进房里。李鹤
汀看时，祇有四老爷和一个帮闲门客──姓于号老德的在座。四老爷乃是李鹤汀的嫡堂叔
父二名叫李实夫。三人厮见，独有主人黎篆鸿未到。李鹤汀正要动问，于老德先诉说道：
「篆鸿来？总办公馆里应酬，月琴也叫仔去哉。俚说教倪三家头先吃起来。」
当下叫阿虎喊下去，摆台面，起手巾。适值蒋月琴出局回来，手中拿著四张局票，说
道：「黎大人来？来哉，教耐？多叫两个局，俚四个局末也搭俚去叫。」于老德乃去开局
票，知道黎篆鸿高兴，竟自首倡也叫了四个局。李鹤汀祇得也叫四个，李实夫不肯助兴，
祇叫两个。发下局票，然后入席。
不多时，黎篆鸿到了，又拉了朱蔼人同来，相让就坐。黎篆鸿叫取局票来，请朱蔼人
叫局。朱蔼人叫了林素芬、林翠芬姊妹两个。黎篆鸿说太少，定要叫足四个方罢。又问于
老德：「耐？三家头叫仔几花局嗄？」于老德从实说了。黎篆鸿向李实夫一看，道：「耐
啥也叫两个局？。难为耐哉？，要六块洋钱？？，荒荒唐唐！」李实夫不好意思，也讪笑
道：「我无处去叫哉？。」黎篆鸿道：「耐也算是老白相？，故歇叫个局就无拨哉。说出
闲话来阿要无志气！」李实夫道：「从前相好年纪忒大哉，叫得来做啥？」黎篆鸿道：「
耐阿晓得？勿会白相末白相小，会白相倒要白相老；越是老末越是有白相。" 牢鹤汀听说
，即道：「我倒想著一个来里哉。」
黎篆鸿遂叫送过笔砚去，请李鹤汀替李实夫写局票。李实夫留心去看，见李鹤汀写的
是屠明珠，踌躇道：「俚光景勿见得出局哉？。」李鹤汀道：「倪去叫，俚阿好意思勿来
？」黎篆鸿拿局票来看，见李实夫仍祇叫得三个局，乃皱眉道：「我看耐要几花洋钱来放
来保箱子里做啥，阿是我面浪来做人家哉？」又怂恿李鹤汀道：「耐再叫一个，也坍坍俚
台，看俚阿有啥面孔！」李实夫祇是讪笑。李鹤汀道：「叫啥人？？」想了一想，勉强添
上个孙素兰。黎篆鸿自己复想起两个局来，也叫于老德添上，一并发下。
这一席原是双台，把两祇方桌拼著摆的。宾主止有五位，座间宽绰得很，因此黎篆鸿
叫倌人都靠台面与客人并坐。及至后来坐不下了，方排列在背后。总共廿二个倌人，连廿
二个娘姨、大姐，密密层层挤了一屋子。于老德挨次数去，惟屠明珠未到。蒋月琴问：「
阿要去催？」李实夫忙说：「覅催，俚就勿来也无啥。」
李鹤汀回头见孙素兰坐在身傍，因说道：「借光，耐绷绷场面。」孙素兰微笑道：「
覅客气，耐也是照应倪？。」杨媛媛和孙素兰也问答两句，李鹤汀更自喜欢。林素芬与妹
子林翠芬和起琵琶商量合唱。朱蔼人揣度黎篆鸿意思，那里有工夫听曲子，暗暗摇手止住
。
黎篆鸿自己叫的局倒不理会，却看看这个，说说那个。及至屠明珠姗姗而来，黎篆鸿
是认得的，又搭讪著问长问短，一时和屠明珠说起前十年长篇大套的老话来。李实夫凑趣
说道：「让俚转局过来阿好？」黎篆鸿道：「转啥局嗄？耐叫来？末一样好说说闲话个？
。」李实夫道：「价末坐该搭来，说说闲话也近便点。」黎篆鸿再要拦阻，屠明珠早立起
身来，挪过坐位，紧靠在黎篆鸿肩下坐了。
屠明珠的娘姨鲍二姐见机，随给黎篆鸿装水烟。黎篆鸿吸过一口，倒觉得不好意思的
，便做意道：「耐覅来瞎巴结装水烟，晚歇口老太爷动仔气，吃起醋来，我老老头打勿过
俚？！」屠明珠格声笑道：「黎大人放心。四老太爷要打耐末，我来帮耐末哉。」黎篆鸿
也笑道：「耐倒看中仔我三块洋钱哉，阿是？」屠明珠道：「阿是耐勿舍得三块洋钱，连
水烟才覅吃哉？鲍二姐，拿得来，覅拨俚吃！覅难为仔俚三块洋钱，害俚一夜困勿著。」
那鲍二姐正装好一筒水烟给黎篆鸿吸，竟被屠明珠伸手接去，却忍不住掩口而笑。黎
篆鸿道：「耐？来里欺瞒我老老头，阿怕罪过嗄？要天打个？！」屠明珠那筒烟正吸在嘴
里，几乎呛出来，连忙喷了，笑道：「耐？看黎大人？，要哭出来哉。哪，就拨耐吃仔筒
罢。」随把水烟筒嘴凑到黎篆鸿嘴边。黎篆鸿伸颈张口，一气吸尽，喝声采道：「阿唷，
鲜得来！」鲍二姐也失笑道：「黎大人倒有白相？。」于老德向屠明珠道：「耐也上仔黎
大人当水哉！水烟末吃仔，三块洋钱勿著杠？。」黎篆鸿拍手叹道：「拨来耐？说穿仔末
，倒勿好意思再吃一筒哉？！」说的合席笑声不绝。
蒋月琴掩在一傍，插不上去。见朱蔼人抽身出席，向榻床躺下吸鸦片烟。蒋月琴趁空
，因过去低声问朱蔼人道：「阿看见罗老爷？」朱蔼人道：「我有三四日勿看见哉。」蒋
月琴道：「罗老爷倪搭开消仔，勿来哉呀。耐？阿晓得？」朱蔼人问：「为啥？」蒋月琴
道：「故末也是上海滩浪一桩笑话：为仔黄翠凤勿许俚来，俚勿敢来哉。倪从小来里堂子
里做生意，倒勿曾听见歇像罗老爷个客人。」朱蔼人道：「阿有价事嗄？」蒋月琴道：「
俚教汤老爷来开消，汤老爷搭倪说个？。」朱蔼人道：「耐？阿曾去请俚？」蒋月琴道：
「倪是随便俚末哉，来也罢勿来也罢。倪搭说勿做末也做仔四五年？，俚乃多花脾气，倪
也摸著点个哉。俚搭黄翠凤来？要好辰光，倪去请俚也请勿到，倒好像是搭俚打岔。倪索
性勿去请！朱老爷耐看来？，看俚做黄翠凤阿做得到四五年。到个辰光，俚原要到倪搭来
哉，也用勿著倪去请俚哉。」
朱蔼人听言察理，倒觉得蒋月琴很有意思，再要问他底细，祇听得台面上连声：「请
朱老爷。」朱蔼人祇得归席。原来，黎篆鸿叫屠明珠打个通关，李实夫、李鹤汀、于老德
三人都已打过，挨著朱蔼人豁拳。
朱蔼人豁过之后，屠明珠的通关已毕。当下会豁拳的倌人争先出手，请教豁拳。这里
也要豁，那里也要豁，一时袖舞钏鸣，灯摇花颤。听不清是「五魁」、「八马」，看不出
是「对手」、「平拳」。闹得黎篆鸿烦躁起来，因叫干稀饭：「倪要吃饭哉。」倌人听说
吃饭，方才罢休，渐渐各散。惟屠明珠迥不犹人，直等到吃过饭始去。
李鹤汀要早些睡，一至席终，和李实夫告辞先走。匡二跟了，径回石路长安客栈。到
了房里，李实夫自向床上点灯吸烟。李鹤汀令匡二铺床。实夫诧异，问道：「杨媛媛搭啥
勿去哉嗄？」鹤汀说：「勿去哉。」实夫道：「耐覅为仔我来里，倒白相来勿舒齐。耐去
末哉？。」鹤汀道：「我昨日一夜天勿曾困，今朝要早点困觉哉。」实夫嘿然半晌，慢慢
说道：「夷场浪赌是赌勿得个？。耐要赌末，转去到乡下去赌。」鹤汀道：「赌是也勿曾
赌歇，就来？堂子里碰仔几场和。」实夫道：「碰和是勿好算赌；祇覅赌，覅去闯出啥穷
祸来。」鹤汀不便接说下去，竟自宽衣安睡。
实夫叫匡二把烟斗里烟灰出了。匡二一面低头挖灰，一面笑问：「四老爷叫来？个老
倌人，名字叫啥？」实夫说：「叫屠明珠，耐看阿好？」匡二笑而不言。实夫道：「啥勿
响嗄？勿好末，也说末哉？。」匡二道：「倪看仔无啥好。就不过黎大人末，倒抚牢仔当
俚宝贝。四老爷，难下转覅去叫俚哉，落得让拨来黎大人仔罢。」实夫听说，不禁一笑。
匡二也笑道：「四老爷，耐看俚阿好嗄？门前一路头发末才沓光个哉；嘴里牙齿也剩勿多
几个；连面孔才咽仔进去哉。俚搭黎大人来？说闲话，笑起来阿要难看。一祇嘴张开仔，
面孔浪皮才牵仔拢去，好像镶仔一埭水浪边。倪倒搭俚有点难为情，也亏俚做得出多花神
妖鬼怪。拿面镜子来教俚自家去照照看，阿相像嗄？」实夫大笑道：「今朝屠明珠真真倒
仔满哉。耐勿晓得，俚名气倒响得野？，手里也有两万洋钱，推扳点客人还来？拍俚马屁
哉。」
匡二道：「要是倪做仔客人，就算是屠明珠倒贴末，老实说，勿高兴。倒是黎大人吃
酒个场花，阿是叫蒋月琴，倒还老实点。粉也勿曾拍，著仔一件月白竹布衫，头浪一点点
勿插啥，年纪比仔屠明珠也差勿多哉？。好是无啥好，不过清清爽爽，倒像是个娘姨。」